Shop na shop na eh!

SHOP NA SHOP NA EH!

Dito sa Amerika mahilig ang mga tao mag shopping. Kung nababalitaan niyo nandito nagkalat ang mga sira-ulong gumigising ng alas tres ng madaling araw para mauna pumila sa "Holiday Sales". Nagaganap ang Holiday sales tuwing Holiday at day after ng Holiday, umaabot ng 80-90 percent discount ang mga bilihin,Ang dating luya na $1.00 10 cents na lang ang isa, nakanaks hindi ba?

Nagkaroon ng promo ang isang malaking shopping mall dito sa Los Angeles kaliporniya, ang first 100 shoppers na pipila ay bibigyan ng $100 gift card. Alas kuwatro ng umaga ang bukas ng mall,3am bumukas ang mata ko, gumising na ako para maghanda at siguraduhing isa ako sa papalaring makatanggap ng $100 pang shopping. Malamig ang simoy ng hangin, kay saya ng bawat damdamin este malamig ang panahon kailangan kong magsuot ng tatlong jacket para
hindi ako lamigin habang nag hahantay ng pag bukas ng mall. Abay siyempre isa ako sa siraulong naka kalat dito sa kaliporniya kaya dapat naka pila din ako.

Pagkarating ko, uyy ayos may mga tao na, nawala ang akala kong ako lang ang unang una at kaisa isang nakapila duon. Ayos toh sigurado pasok ako sa isang daan. Lumipas ang ilang minuto tiktak tiktak, ayan lumipas ulit ang maraming minuto mag bubukas na ang mall. Nakangisi pa ako sapagkat hindi ako huling huli sa pila, pasok ako malamang wohoo! nakita ko ang pila kahaba haba di mo na makikita ang dulo.

Binuksan na ang mall,nag roll na rin ang camera at reporter,tumalon ng bahagya ang puso ko sigawan at palakpakan ang mga tao. Shop na shop na ang mga shoppers. Pakiramdam ko ay para akong nasa isang madugong labanan na makikipag agawan sa mga ilang
items na nasa aking listahan. Bininbigyan na ang first 100 shoppers ng tig iisang $100 gift card, isa isang pumapasok. Number 1, 2 , 3 . . . 50. . .60 . .70 . . taena palapit na ng palapit ako. 80. .81. .89. . . kabog ng kabog na puso ko. Yung isang aleng halatang pilipina nakakahiya nag rorosaryo pa para umabot sa first 100, syit pasok siya epektib! 90. .91. . taena malapit na ako! . . 94. . syiittt! 98. . Sumigaw yung clerk na last 2! 99. ...100! Kinunan ng camera at ininterview
ang expression ng ika isang daan shopper.

Pang 101 ako! Put*#@! B.S! Fu#!@ Parang gusto ko maiyak, mag indian sit sa harap nila at mag lumpasay ng mga panahong iyon. Pumasok akong duguan, hinayang na hinayang ako. kung 2:58am ako gumising baka ako pa yung ika isang daan. Nawalan ako ng gana,
sumakay ako ng kotse at nag maneho pauwi ng bahay, binangga ko ang lahat ng kotseng naka park sa mall na iyon. Isa lang ang nasa isip ko, ang banggain ang 101 na cars na makita ko.

The end. Kwentong katha lamang iyan, nasa katinuan pa ako dito. Hindi ako pipila sa $100, $1000 pwede pa.

Maligayang Pasko mga katuga!