MALUNGKUTIN

Sabi ko pag masaya ako sumusulat ako dito sa blog na ito.

Matagal tagal na rin pala ang huling sulat ko

matagal tagal na rin pala akong huling naging masaya.

Matanong ko lang

bakit yung mga pornstar

pagtapos nilang gawin yung dapat nilang gawin

eh nag tatawanan sila?

BRA-BERBS ni Pabling (Proverbs)

Mga pag mumuni muni ko lamang sa buhay buhay. Oo nag iisip din ako minsan.

1.Kung may isang taong naiinis sa iyo ayos lang yan kase hindi mo naman masusuyo lahat ng tao sa paligid mo. Pero kung lumagpas sa sampu o higit pa ang may ayaw sa iyo abay ibang usapan na yan, ikaw na ang may problema niyan.

2.May mga taong pinabibigat ang buhay ng iba, wala lang trip lang nila. Sobrang bigat din siguro ng dinadala nila kaya dapat i share nila sa iba. Pero mas maganda naman na ang ibinabahagi mo ay kaginhawaan hindi ba?

3.May mga tao namang pag nakita mo pa lang alam mong may problema na naman ito. Wala nang lumabas sa bibig niya kundi ang putaenang buhay niya.

4.Nagtataka ako kung bakit kung sino pa itong wala nang makain sila pa itong sobrang pihikan sa pagkain, ayaw kumain ng ganito o ng ganyan. Mag gulay ka nga!

5.Kung may nagugustuhan kang tao wag mong kakaibiganin. Ligawan mo agad. Kase kapag kinaibigan mo tapos manliligaw ka e maninibago ang tingin niya sa iyo, sa bandang huli e na basted ka na nawalan ka pa ng kaibigan.

6.May tatlong bagay na ayaw kong pag usapan 1. Politics 2. Religion 3. Sexual Preferences. Alam kong hindi lang kami magkakasundo sundo.

7. Sa palagay ko dapat tumigil na ang mga tao sa kaka reklamo sa kung ano anong problema- dahil kung sige mong reklamo, hindi ka magiging masaya. Just S.U.M.O (Shut Up and Move On)

8. Bakit pinalalabas ng mga pari o religious leader na ang pagtitikol ay isang masamang gawain? Sa palagay ko ang masama ay ang sex outside marriage - ang pagtitikol ay isa sa pinaka magandang nilikha ni papa Jesus para sating sangkatauhan.

9. Pag hindi ka kinikibo ng isang tao, dalawa lang ibig sabihin niyan. Hindi ka niya trip o trip na trip ka niya. Subukan mo siyang kausapin tapos ligawan mo agad.

10. Siyam lang muna...ay sige sampu na

11. Wag kang magagalit kung mabastos ka kung itsura mo eh kabastos bastos. Mag susuot ka ng pekpek shorts pero nagagalit ka sa tingin ng tingin sa legs mo. Maikling blusa pero hahatak hatakin mo. Kung ganun ang suot mo ituloy tuloy mo na ang bastusan.

RELASYON MO

May mga tao kang makakasama na masarap... masarap kasama, ito yung mga taong sa unang tingin mo pa lang "ay pota magiging kaibigan ko to". May mga tao naman na nambubuwisit at iyon lang ang trabaho nila ang mambuwisit ng iba. Napag alaman ko na ang taong palasungit sa kapwa ay ang mga taong kulang sa pag mamahal dahil kung mapag mahal ang tao sa kapaligiran mo ay nagiging mapag mahal ka rin sa iba.

Masaya ako dahil nagkakaroon na ako ng mga kaibigan dito sa Hamerika. Mali ang paniniwala ko noon na ang mga tao dito ay puro tunog lata kung magsalita at umasta. Napag alamanan ko na ang mga tao dito ay higit na mas responsable at mas may alam sa buhay buhay kumpara sa mga tao sa Pilipinas. Hindi lalapit sa iyo dito ang tulong - dapat kumusa kang gawin ang mga bagay sa sarili mo, at iyon ang natututunan ko sa ngayon.

Sinabi ko na sa bebeko na hindi ko siya mapapangakuan ng magandang buhay kundi magandang lahi lang at sure ball na iyon. Okay lang naman sa kanya. (Huwag na po kayo kokontra please kunwari pogi ako) Sa totoo lang kung ako ang papapiliin -

A. pangit pero ubod ng yaman

B. maganda pero mahirap pa sa daga

Pipiliin ko pa rin ang ang letter B dahil ayoko makakita ng mga bagay na ikakasama ng loob ko bago matulog at pagkagising sa umaga- baka araw araw badtrip ako at maging dahilan pa ng ikakasira ng buhay ko. Hindi na baleng wala kaming pagkain sa hapag kainan, kung maganda naman ang asawa ko sa kama na lang kami mag kakainan.

Pero kung kasama sa choices ang

C. maganda na ubod ng yaman pa.

Abay paksyet. Sa C tayo! Cup C! C is for Christ pa!

Hello po bebe ko. I lab you!.

Araw arawin mo ang sarap!

Scene 1:

Counter:Can I get two regular palabok please!

Paps: Ilan pong palabok?

Scene 2:

Counter: One combo palabok please!

Paps: Regular?

Counter: Combo po.

Paps: Regular?

Scene 3:

Counter: Can I get 1 fries?

Paps: Banana Lanka o Peach Mango?

Counter: French fries po. Hindi pies

Paps: Kala ko nga rice eh.

Scene 4:

Bagong Workmate: Kuya San makikita yung ice cream?

Paps: Sa freezer yata.

Bagong Workmate: (Pumunta, bumalik) Kuya di ko makita!

Paps: Di ko din alam kung san e. Pumasok ka sa pinto, tas may pinto pang isa di ba?

Bagong Workmate: Ah dun sa isa pang pinto?

Paps: Oo. Yun ang freezer, chiller lang yung isa.

Bagong Workmate: Ahhh... (Pagbalik) Kuya di ko makita!

Paps: Di ko din talaga alam kung san yung ice cream. Sa Seafood City ako naka kita ng Ice Cream eh. Sa seafood city ka na lang kumuha baka mas mabilis pa nating makita.

Scene 5:

Counter: I have one palabok cater pack.

Paps: Hala paano yun.....

8===D

Mag iisang buwan na ako sa trabaho. Nag eenjoy naman, mas gumagaan ang trabaho kapag mga nakangiti ang mga kasama mo pero pag naka simangot bumibigat lalo. Medyo malungkot din kapag nakikita kong di nag kakaunawaan ang mga magkakatrabaho pero siguro normal lang sa isang samahan na mayroong hidwaan at grupo grupo pero sana wala, sana isang one big happy family. Kapag naman napapagalitan at nasisigawan ng bossing, isipin lang kung bakit ka napagalitan, hindi naman sila magagalit kapag tama ang ginagawa mo.

Marami akong natututunan sa trabaho- mga bagay na ni minsan eh hindi ko nagawa sa talambuhay ko. Pero may mga ayaw din ako tulad ng amoy piniritong manok na ako, palaging bumababa ang zipper ng pants ko (hindi lang ako ang may problema diyan) at ang pag sugod ng isang barangay ng sabay sabay. Nakaka inis din kase minsan isang tao lang bibili ng family pack - kalakas naman niya kumain. Isa lang tao lang siya ha family pack! yung iba naman isa lang siya oorder ng cater pack! Fuck! cater pack! Fuck! Eh yung niluto ko minsan e kasya lang sa isang cater pack.

Dahil sa medyo health conscious ako iniiwasan ko ang pagkain noon sa fast food ng madalas dahil ayon sa pag aaral eh may masamang epekto ito sa ating katawan, noon yun hindi na ngayon everyday na akong kumakain sa fast food 50% off ba naman ang mga employees e, abay araw arawin mo na ang sarap.

BAWAL KIDS.

Nagkaroon na ng matinding tanong dati na gumulantang sa mundo ng sangkalalakihan. Malulupit na tanong tulad ng shorts ba o boxers shorts o di naman kaya sa tanong na gagamitan ba ng kapote si manoy o skin to skin at ang pinakamatinding tanong na mas masarap ba kung ikaw mismo ang gumagawa ng ikaliligaya mo o kamay ng iba. Sasagutin ko ang ilan sa mga ito.

Kahapon lamang eh naligo kami sa dagat, sa sobrang kapogian, alam niyo naman ang mga pogi makakalimutin makakalimutin ko e nakalimutan kong magdala ng pamalit na shorts, bago umuwi e kumain kami sa labas ayun naka boxer shorts lang ako. Kaya mas maganda talaga ang boxers kesa sa brief. Isipin mo na lang kumakain ako sa labas ng naka brief- imaginin niyo na lang kung gaano mapupuno yung resto ng customer . . . . . Isa pa mas nakaka laki ng kwan ang boxers kase laging naka law2x.

Ito naman ang sagot ko sa kapote. Para sa akin mas masarap pa rin ang walang kapote, mas masarap kapag basa, lalo kung summer saka isa pa kung mahal mo ang isang tao mas masarap yung walang hadlang iyun bang skin to skin. Pero mga kids laging gagamit ng kapote kung ayaw niyong madoble.

Iyong sa kamay mo ba o kamay ng iba. Kapag kamay mo kase alam mo kung saan ang masarap at hindi. Sabi nga ng prof ng katuga nating si Superjaid"learning is like masturbation it is best achieve with your own hands.." Kaya nga naman yun na yun, ayoko na palawakin ang sagot ko sa tanong na ito kayo naman ang sumagot!

PROKSI!

Naranasan mo na ba mag proxy sa isang okasyon o di naman kaya e mag paproxy sa isang okasyon? Dalawang abay at dalawang binyag na ang nag pa proxy ako sa kadahilanang malayo, may sched, may sakit at kung ano ano pang excuses na minsan e talagang nakakatamad lang.

Paano kung aattend ka ng debut ng isang matalik na kaibigan, kasama ka sa 18 roses o di naman sa 18 candles - kung sa 18 Roses ka isasayaw mo ang debutante at kung sa 18 candles ka mag bibigay ka ng mensahe sa debutante. Paano kung ang matalik mong kaibigan na debutante ay may sakit at nag pa proxy - mag bibigay ka pa rin ba ng mensahe at isasayaw mo pa rin ba ang proxy? Anong itsura mo nun -isipin mo - naka mic ka tapos mag bibigay ka ng mensahe sa di mo man lang kakilala.

Ikaw: Hello. Kamusta ka? Ito na ang mensahe ko para sa debutante. . . Wow 18 ka na- dalagang dalaga na - wag ka muna mag papaligaw ha - tapusin mo muna ang pag aaral at mag pakabait iwasan ang pag uwi uwi ng gabi kase dalaga ka na.

Proxy: Salamat....

Gulat ka umiiyak iyak pa yung proxy noh at nung ending na e nag pa thank you siya sa lahat ng dumalo at sa tatay at nanay nung totoong may debut.

Paano kung sa kasal mo hindi makaka attend ang kapareha mo - at sinabing may proxy siya - ano ang gagawin mo?

LUTO!

Kapag sumisigaw ang manager ng "pogiiii!" sumasagot ako ng "Mam Bakit po?" Ganun na talaga kumapal yung mga kalyo ko sa mukha. Pinag mayabang ko pa sa bebe ko na ang tawag sa akin ng manager e "pogi" ang sabi naman ng bebe kong supportive "ano ka ba ganun talaga pag hindi alam ng manager mo ang name mo kaya pogi talaga ang itawag sa iyo". Sagot ko naman "hindi rin bakit hindi na lang boy?" Kaya sabi ng bebe kong supportive "sige dibdibin mo ang sinabi sa iyong pogi ka". Ganun niya ako ka mahal.

Sa loob ng mahigit isang linggo kong pagta-trabaho ay marami na akong natutunan tulad ng pagluto ng fried chicken, fried shanghai, fried pie, fried bangus, french fries - actually pinipindot ko lang yung frying machine then poooopp! luto na!. . . Ganun lang pala magluto dipindot. Natuto na rin ako magluto ng gravy, kanin at palabok (pinag hahalo-halo ko lang yung mga sangkap na luto na- well wala talaga akong kinalaman sa pagluto ng palabok). Astig di ba sa loob ng isang linggo jampak ang mga natutunan kong lutuin? Hindi lang yan . . naturuan pa ako mag mop at mag walis. Kung akala mong marunong ka nang mag mop at mag walis may tamang paraan ng pag mamop at walis. At hindi mo alam kung pano yun.

Tinext ko ang bebe ko na nagluluto ako ng afritada para sa dinner namin. Sabi ng bebe ko " galing naman ng bebe ko ang dami nang alam lutuin..... kaso . . . (syet may kaso pa) kaso...iisa ang lasa" Ako na ang nag tuloy "maalat".