PASUKIN MO

Dahil sa balik eskwela na naman ang mga kids, pag usapan natin ito.

Noong kinder ako, sa unang pag kakataon gusto kong ma-stress at mag umiyak nang makita ko ang teacher kong nakasalamin at may hawak na stick. Ang alam ko kase nun pag may stick sigurado may hit. Trauma ang dinudulot ng mga stick na yan para sa mga kids, may mga pag kakataon na kapag hindi ka makasagot sa tanong ng titser e biglang papaluin nya ng malakas ang black board o ang mesa nya, o ang desk mo o mismong ikaw, sa puwet, sa kamay sa mukha, duguan. At mawawalan ka ng ganang pumasok dahil takot na takot ka kapag nakakakita ka ng titser o kahit marinig mo lang ang salitang "titser".

Isang araw, may surprise recitation ang titser. Irerecite mo ang alphabet. Surprised kami lahat o ako lang ata. Dahil sa mahiyain ako at matatakutin, gusto ko na umiyak nung mga panahong yun. Kabisado ko naman ang A B C D E F G hanggang Z, kaso baka pag ni recite ko yun e pakanta, baka pag tawanan ako ng mga kaklase ko.   Lalo akong naiyak nung kailangan i recite mo siya ng pa A BA KA DA E GA HA LA MA NAN. Ganyan??? hindi ko alam yan Naknang tokwa. Hindi tinuro sakin ni nanay yan!

Dahil sa hindi naman kami kayamanan at mayayaman talaga ang mga kaklase ko e na kaka stress din kapag nakikita ko ang mga gamit nila. Umiilaw na sapatos, may gulong na sapatos, pencil case na bakal na may 4th floor, bag na all in one parang bahay na, 62 crayons na ibat ibang kulay may pang tasa pa sa tagiliran, mechanical pencils hindi mo na kailangan tasahan,  baunan na may heater laman fried chicken. Kapag may fried chicken o hotdog ka nun ikaw na, ikaw na talaga.

Dahil hindi ko na alam san papatungo tong kwentong ito. Ang gusto ko lang sabihin sa mga adults, be good to kids dahil stressful ang environment sa school. Salamat.

Pasok na ko.