SIX MONTH

Dahil sa kalahating taon na ako dito sa Amerika kailangan ko magbigay ng pahayag kung ano ang nasa sa loobin ko patungkol sa Amerika. Bakit? Bakit naman hindi.

Tatlo sa pinaka henyong imbensyon ng pilipino ang walis tingting, jeepney at tabo. Wala kasing walis dito.

At the store:

Paps: Hi. Where can I find a walis?

Sales man: What?

Paps": Walis.

Sales man: weh

Paps: wa

Sales man:weh

Paps: no no no wa with ey like fat not e

Sales man: wa?

Paps: right wa then. . lis

Sales man: wehlis?

Paps: NO! walis.

Sales man: walis.

Paps: Right!

Sales man: What is that?

Paps: broom.

Wala nga palang walis dito, broom meron. Ayun nag hanap ako ng mukhang walis tingting pero wala, yung parang walis lang meron. Ang hirap kasi gamitin ng broom, di tulad ng walis tingting na masarap ipanghagod sa kalsada,yung tunog ng walis sarap pakinggan, saka swabeng swabe ka sa pagwawalis pag tingting gamit. Saka sa atin dalawa ang klase ng walis, walis tingting at walis tumbong tambo, sa kanila isa lang.

Wala ka ring makikitang tabo sa mga grocery stores dine. Yung tabo e parang walang katumbas na english word kase hindi talaga sila nag tatabo - shower ang gamit dito sa paliligo. Shower naman ang gamit ko sa paliligo sa pinas pero hindi naman shower ang ginagamit sa pag huhugas ng pwet. Paano sila nag huhugas ng pwet pagtapos umupo sa trono at magtagumpay? Hindi sila nag huhugas. Nagpupunas lang, tissue ang pinaka tabo nila dito. Dahil sa sanay ako sa hugasan at hindi sa kaskasan e kung ano ano na ang ginamit kong improvised tabo tulad ng - baso ni granma, baso ng pinag inumang sopdrinks, pitsel ni granma at plangganang maliit ni kilala mo na!

Wala ding jeep dito. Ang tawag ng asawa ng pinsan kong kano sa dyip natin ay "funny looking vehicle". Hindi naman ako natawa sa dyip natin.

Sa lugar namin dine sa Los Angeles. Isa sa sampung tao na makakasalubong ko ay puti ang iba puro mexicano na, istupido hindi ba. Ang unang tanong kung papasok ka ng trabaho dito ay kung marunong ka mag spanish o kung bilingual ka ba. Bilingual ako filipino at ingles nga lang. Bakit ko kailangan matuto mag spanish wala naman ako sa Mexico? Bakit hindi na lang itong mga istupidong mexicano ang mag aral mag ingles, dahil sa pag kaka alam ko pare pareho lang kaming nasa Amerika. Napag alaman ko ang pangalang Los Angeles ay hindi ingles kundi spanish.

Ayokong isipin na nagkamali ako ng desisyon ng magpunta ako dito sa Amerika. Malaki ang pag kakaiba ng buhay sa Pilipinas at buhay dito. Marami akong kilala na nag nanais makapunta sa Amerika. Para sa kanila ang Amerika ay isang pangarap na napakahirap marating, parang paraiso paraisong puno ng kasaganaan at kaginhawaan. Para sa kanila ang Amerika ay simbolo ng isang marangya at perpektong pamumuhay. Binansagan pa nila itong Land of opportunities at land of milk and honey. Pero para sa akin ang Amerika ay parang isang malaking gubat sa siyudad. Sa gitna ng maraming taong nakapaligid, damang dama ko na nag iisa ako sa buhay. Walang panahon ang bawat isa na pag tuunan ng pansin ang kanyang kapwa. Bawat isa ay abala sa pag hahanap ng dolyar para sa sarili nilang kapakanan.

itutuloy. . . .