IMBITADO AKO!

Kagabi pag bukas ko ng e-mail ko may nabasa akong hindi snail mail, hindi air mail, hindi air force kundi e-mail. Madami akong e-mail araw araw - hindi ko lahat binubuksan ang mga iyon, yung iba e dumideretso kay manong trash can. Pero itong e-mail na ito ay kakaiba kaya hindi napadpad sa mahiwagang basurahan.

Binuksan ko ang e-mail na may subject na "Pinoy Big Brother Celebrity Audition Invitation"-from PBB Staff. Wapak! Lufet! Celebrity daw, hindi naman ako celebrity pero kung tutuusin kung i dedefine natin ang salitang celebrity. Pwede ngang celebrity tayo sa larangan ng pag bo-blog. Nakanaks! Kapal!

Kaya ayun na binasa ko na ang date kung kailan, kung saan at kung bakit nila ako naisipan imbitahan. Nag uumpisa na daw silang mag hanap ng mga celebrities na maaring ipasok, this time nag hahanap sila ng Celebrity Blogger. Kaso malayo ang venue e sa Pilipinas pa ang audition sa Kyusi. Kung uuwi naman ako para lang sa audition e baka hindi pa ako matanggap, sayang ang pamasahe, sayang ang pangarap, sayang din ang trabaho dito kung iiwan ko. At saka, nakakatakot kase minsan e sa mga sinulat ko dito sa blog e pag napasok na ako doon e bigla na lang akong tirahin tulad ng pagtira ko paminsan minsan sa mga artista dito sa blog na ito.

Kaya pasensiya na mga masusugid kong mambabasa at sa bumubuo ng PBB staff. Hindi ko pa kaya ang sumikat. Sana si Bob Ong na lang ipasok nila o kaya si Badoodles ng Kwentong Barbero o kaya si Deejay ng Good Times Manila matuwa pa ako

Tapos gumalaw ako ng konte nilagay ko yung kamay ko sa ulunan ko. Dumilat ng mata, chineck ang cellphone. Alas diyes y medya pa lang pala maaga pa. Balik tulog ako ulit. Pag gising ko e chineck ko ulit ang email ko- hinahanap ko yung invitation. Kaso wala na e- hindi ko makita. Nanaginip lang pala ako.

----

Suggestion lang naman ito, baka gusto niyo ako ipasok balang araw. Kthanksbye.=)