TUMITRIP!

Isa sa tunay na dahilan kung bakit pumapasok sa eskwela ang isang magaaral ay dahil sa inaabangan nito taon tao ang tinatawag na "field trip". Ang field trip ay ang kunwaring paraan ng pagtuturo ng mga guro sa mga mag aaral. Kung mapapansin mo sa harapan ng bus ay may nakalagay na "Educational Field Trip" pero ang tungo nila ay kung hindi star city, enchanted kingdom minsan eat bulaga. Nakakatawa rin ang mga kung saan saang pinupuntahan tulad ng gubat, pagawaan ng tinapay, pagawaan ng sundot kulangot, zoo ang malupit na kinaiinisan kong pinupuntahan ay ang mga mall. Wtf?

Isa sa hindi ko malilimutang karanasan sa fieldtrip ay nung makatabi ko sa bus ang pinaka maraming nasalo na powers nung nagpasabog si papa Jesus ng super powers sa kilikili. Kaklase ko siya, batid naming lahat ang kanyang natural na abilidad na makapagpahilo ng tao ng walang effort.Dear Ate charo alam ko na ano mang oras ay maari na siyang magpasabog ng lagim, kaya patuloy ang pananalangin ko kay papa Jesus na please po ilayo niyo po siya sa arawan ng di pagpawisan. Doon ko narealize ang logic at ugnayan ng araw, pawis at power.

Alas diyes pa lamang noon unti unti ng sumisingaw ang kakaibang simoy ng hangin. "Taena naman tol di pa nga ako nakaka sakay ng rides sa enchanted kingdom hilo na ako, pano pa ako nito Wala namang ganyanan". Ang malupit pa nun nasiraan ang bus naming sinakyan pauwi. Imbes na hanggang alas siyete lang ako nag tiis e umabot ng ala una ng madaling araw ang aking pagdurusa ate charo.

Isa pa sa mga di ko malilimutan ay ang pagpasok ng ma-aga ng mga kaklase kong exi tuwing may fieldtrip-exi short for excited. Kung ang alis ng bus ay 7:30 dumadating sila ng alas singko, na pwede namang dumating sila ng alas syete- pero pag wala namang field trip e laging late sa klase.

Nakakatuwa rin ang nakakalokong pag papa exam ng mga guro after ng kasayahan sa fieldtrip. Kumbaga pagtapos ng saya dapat may lungkot talagang kasama. Dito ako lumalagapok sa mga exams, kung makagawa naman ng tanong ang mga guro e parang mag kaibang field trip ata ang pinuntahan namin. Wala akong masagot sagot. Isa lang ata ang nasasagot ko palagi kung anong bus number ang sinakyan ko,yung pangalan ng tour guide sa bus di ko nasasagot- tae bat ba ineexam pa yun.

May naalala din akong isang field trip kung saan maririnig mo sa bus ang mga katagang "galit na galit malamig kase e", "pengeng pang sahod" at eto na syit!". Kung ano man yan e alam na ng mga kabarkads yan.

Tapos badtrip pa- bakit ganoon bakit kailangan mag dusa ng isang estudyante kung hindi siya makabayad ng pagsama sa fieldtrip? Bakit sila kailangan gumawa ng limpak limpak ng project? Paano kung hindi kaya magbayad ng magulang nila para makasama sa fieldtrip ang anak - bakit kailangan silang parusahan? Dep Ed paki paliwanag please.

O mga kids balik eskwela na handa na ba ang notebook at lapis!