MANONG BARKER

Ahm.... Ehhh.. Grrrr.... Aha! Ganito ata. Okay naalala ko na.

Ahem. 1 2 3 mic test mic mic mic test. Hello? Ayan okay na.

Kilala niyo pa ba ako mga katuga? Ako nga pala si Paps, Pablong Pabling na lang for short. Lumipas na pala ang mahigit isang buwan simula nung huli akong sumulat. Na miss niyo ba ako?Hindi? Ano kamo? (sabay labas ng shotgun) Isa pa! Na miss niyo ba ako? Sagot! Good.

Naalala ko dati nung nasa Pilipinas ako, pag sumasakay ako ng dyip may makikita kang mama na naka sandong white at maong shorts tapos naka havanas, hindi siya yung drayber ah, siya yung barkero na sumisigaw ng "isa pa sa kanan, sampu pa sa kaliwa!" o kaya "paki ayos lang ang upo, upong piso lang tayo mga brad" O di naman kaya "isa na lang! isa na lang lalarga na!" (May sumakay nang lima yun pa rin dialogue niya) isa na lang! isa na lang! O kilala niyo na ba sila? Pag usapan natin sila.

Umaga pa lamang e makikita mo na sila. As usual naka sandong white, naka maong shorts at naka havanas. May dala silang barya at bimpo. Yung barya pamalit kay manong drayber na walang barya sa umaga,tag iisang libo cash kase ang dala niya tapos mainit ang ulo niya sa mga pasaherong nag babayad ng sampung pisong buo. Yung bimpo pamunas sa pawis, watdapak siempre alangan namang ipamalit sa cash ang bimpo.

Oooppsss yung barya pa pala ni manong barker eh ginagamit niya sa pantuktok dun sa dyip kapag aabante o aatras pa si manong drayber na walang diskarte sa pag atras abante kelangan may taga tuktok pa.

Manong Barker: (Habang tinutuktok ng piso ang dyip) Atras pa! Atras pa! Malayo pa!

Manong Drayber: (Tahimik lang habang tumutugtog ang walang kupas na back up song kapag umaatras)

Manong Barker: Atras pa! Atras pa! Malayo pa!

Manong Drayber: ( Tahimik lang habang patuloy na iniaatras ang dyip)

Manong Barker: Atras pa! . Konti pa. . . Ooppsss sabit! sabit na!

Manong Drayber: Putaena! Sabi mo atras pa! Patuktok tuktok ka pa diyan sasabit din naman pala. Naknang pota oh.

Doon na natatapos ang kwento nila. Gusto ko lang sabihin na maraming trabaho sa Pilipinas na kahit wala kang lisensiya mag trabaho eh pupuwede ka basta mag sisipag ka lang. Hindi katulad dito na kailangan mo ng work permit sa kada kilos na gagawin mo. Hindi ka dito pwede mag tayo ng sari sari store kung wala kang permit, sa Pinas mag lagay ka lang ng mesa at sign board na "Ice for sale" e kikita ka. Wala rin ditong nag lalako ng taho, puto, balot at fishballs sa kalsada. Boring Meyn.

(Kung nagustuhan niyo ang sulat kong ito pa click yung letter f sa babae nire sa bandang kanan, share sa facebook, kung hindi niyo naman nagustuhan e paki click yung "Dislike" hanapin niyo na lang kung saan, o kaya click f kung di niyo nagustuhan thanks)