Silent Killer

Hindi ako sumasakay ng FX ng madalas. Sumasakay lang ako pag kailangan lang. Tulad kanina. Bukod sa nakakahilong air freshner ni manong driver ay ang pamatay eksenang utot ng kung sino man sa amin ang umutot sa loob.

Mga uri ng utot:

1.Careless Whisper - walang tunog pero boom na boom, nakakagulantang ng sambayanan.

2. Colors of the wind - ito yung utot na pag lumabas may kasamang friends, tapos maiiwan sa salawal ang friends. mag isang susuungin ni utot ang mundo para mag kalat ng lagim.

3. Wings beneath my wings - ito yung matagal ng itinago sa loob, saka lang nailabas. Hindi mo malalaman kung utot sa unang limang segundo pero pag tumagal mapapa "putek sinong umutot?" ka.

Sa palagay ko yung tumira samin kanina sa loob ng FX ay yung wings beneath my wings. Walang kumikibo nung una - pero nung umalingasaw na isa isang nag takipan ng panyo sa ilong. Hindi ko masiyadong natiis ang amoy, mababa ang tolerance ko sa ganito e. Lalo sa kulob na lugar tulad neto, tulad ngayon, sa loob ng FX. Sinabi ko na lang sa loob ng FX - "mga kapatid pagtulong tulungan na natin, wag niyo naman takpan ilong niyo, pano natin mauubos agad ang amoy?"

Rumesponde agad ang manong tsuper na hindi rin kinaya ang amoy. "Walang hiya naman, sinong umutot?" (Sabay pinatay ang aircon at binuksan ang bintana). - agad na nag sunurang magbukas ng bintana ang mga pasahero.

Nakarating kami ng matiwasay sa aming patutunguhan ng walang nahuhuling suspek. Dahil sa ako ang unang nagsalita sa insidente, may babaeng masama ang tingin sakin palagay ko ako ang itinuturo niyang salarin. "Ate wag mo ko tingnan ng ganyan, inosente ako dito."

"If it's never our fault, we cant take responsibility for it. If we cant take responsibility for it, we'll always be its victim."