Amerikanong Daga!

Parati kami nagkikita sa kusina, nakakasabay ko siya tuwing pumupudtrip ako ng pagkain sa fridge, pumupudtrip din ata. Lumalabas lang daw ang mga ito pag summer, dumarating na ang summer dine- lumalabas na sila. Sila ay tinatawag na Possum-mukha silang daga pero maputi ang mukha. Nagkatitigan na kami ng maraming beses mata sa mata- na kukyutan ako sa kanila at ganun din naman sila sa akin.

Iba siya sa mga daga sa Pilipinas ang daga sa atin pag naka kita ng tao- mabilis ang takbo. Ito naman mabagal ang takbo - parang nang aasar pa "o habulin mo ako habulin mo ako, tatanga tanga talaga kayo mabagal na nga ako di niyo pa ako mahuli huli".

Kanina nang magkita ulit kami e sinubukan kong hulihin kase pinaglinis niya ako ng tae niya sa lababo. Lasing ata tong amerikanong dagang ito ng makaramdam ng tawag ng kalikasan- akala niya e nasa toilet na siya- lababo yun pre lababo.

Pagbukas ko ng ilaw sa kusina nagkita na naman kami- alam ko iisa lang pakay namin sa kusina- pagkain. Naalala kong pinag linis niya ako ng tae sa lababo kaya naisipan ko siyang hulihin. Dahil sa napatingin din siya sa akin- dahan dahan na siyang naglakad pabalik sa lungga niya - mabagal lang takbo niya. May nakita akong stick- iniistik ko siya ng iniistik hanggang sa napunta siya sa isang kanto walang siyang matakbuhan. Napatawa ako "Bwahahahaha! Huli ka!"- syit pano to kakamayin ko ba- di ko kaya. Kaya sabi ko "Teka lang ha kukuha ako pang huli diyan ka lang- hantayin mo ako". Pag alis ko e nag lakad siya pakonti konti - hanggang sa nakarating sa ilalim ng ref. Ayun natakasan niya ako.

Ang bobo ko kase nakalimutan ko di pala nakaka intindi ng tagalog yun sana ang sabi ko "Hold on, I'll go get something that I can use to catch you, wait for me". Kaya ayun I learned my lesson - prepared na ako lahat ng pang huli e nasa kusina na at kabasido ko na rin ang english na sasabihin ko sa kanya

Hanggang sa muli naming pagtutuos.