Whatever 11 twenty eleven

Noong taong 2009 walang naka tama sa Whatever ten ng Ka-blogs-Tugan kaya ngayon inihahatid ng ka-blogs-tugan.blogspot.com ang Whatever 11 Twenty Eleven. Simple lang ang mechanic ng game. Magbibigay ako ng 11 facts patungkol sa akin, isa doon ang hindi totoo at huhulaan niyo lang naman kung alin doon ang hindi totoo at sabihin kung bakit yun ang napili niyo.Ang unang tatlong taong makatama ay magkakamit ng ka-blogs-tugan shirt.

11 Facts about Pablong Pabling alin ang hindi totoo

1. Nagkaroon ako ng kulugo sa hinlalaki sa paa noong elementary ako, dala dala ko ang kulugo na iyon hanggang sa hayskul, sabi ng ermat ko tuluan ko daw ng kandila para mamatay ang kulugo, ilang beses ko ginawa yun pero walang epek. Wala na ang kulugo ko ngayon, hindi dahil sa pag patak ko ng kandila kundi dahil ginamitan ko ito ng matalim na nail cutter.

2. Ang pinaka mababang grade na nakuha ko sa talambuhay ko ay 74 ito ang kauna-unahang bagsak na grade na nakuha ko, HEKASI ang subject. Masakit pa sa loob ko dahil mamula mula ang kard ko at ang pinaka mataas naman na gradong nakuha ko ay 98 Chemistry naman ang subject.

3. Noong bagong dating ako sa Amerika sabi ko sa sarili ko ang unang unang bibilhin ko para sa sarili ko ay SLR. At pag nakabili na ako noon ay pwede na akong umuwi ng Pilipinas. Ngayon may SLR na ako kaya bago mag buwan ng hunyo eh nasa PILIPINAS NA AKO wuhoooo..

4. 5'10 na ang height ko. 11 pa rin ang size ng sapatos ko. Kayumanggi ang kulay ko. Matindi pa rin ang paniniwala ko sa sarili ko na kasama ako sa mga kalalakihang tinatawag na "Tall, Dark and Handsome" at ganon kakapal at ka konpident ako.

5. Nagtatrabaho ako ngayon sa isang padalahan ng pera. Libo libo ang perang binibilang ko araw araw tapos isang beses na short ako ng $300. Inabot ako ng 30 minutes sa pagbibilang ulit ng pera. Noong binilang ko ulit, hindi pala ako short. Iyon pala mali lang ang bilang ko 100 x 3 is 300 hindi 30.

6. Hindi ako pala-inom na tao. Isang beses pa lang ako nalasing dito sa Amerika. Sa sobrang kalasingan nakabasag ako ng gamit nung ka trabaho ko at pinabayaran sa akin yung nabasag na iyon sa halagang $70. Simula noon, hindi pa ulit ako nalasing hanggang ngayon.

7. Kapag Tuesday at Thursday 9:30 am ang pasok ko. Pag Monday - Friday - Saturday 9 am. Laging napapa aga ang pasok ko kapag tuesday at thursday at lagi naman akong nalalate kapag monday - friday at saturday. Hindi ko maintindihan minsan kung bakit ako nagkaka gayown.

8. Palagi akong nasasabihan ng klasmeyt o co-worker ko na parati daw akong mukhang bagong gising. Hindi ko alam kung maganda ba yun dahil fresh looking ako o dahil mukhang mabaho pa hininga ko at may tuyong laway pa ako sa pisngi. Lagi rin daw parang dinaanan ng bagyo ang buhok ko.

9. Hindi ako nahihirapang manligaw, hindi dumadaan sa punto na nag papahirapan pa ng ligaw. Kase ako ang nililigawan ko e yung may gusto na sa akin kaya wala nang hirap pa. Kung ayaw mo wag mo ganon lang yaon. May tatlong babae sa loob ng isang klasrum ang nagsabi na sa akin na "Kamukha mo ex ko" - yung isa sinabihan ko ng "You want to be my ex too?"

10.Early person ako, yung tipong hindi ako na lalate sa lakad ng barkada o basta hindi ako na lalate pag may kausap ako ng gantong oras. Kaya naman simula nung high school ako e naiinis talaga ako sa mga taong late palagi. Kaya kung ang lakad ay 6 pm dapat sabihin sa kanya 2 pm para at least 6:30 nandun na siya.

11. Takot ako mag drive noon sa freeway. 65 mph dapat ang takbo doon. Sabi ko saka na ako mag freeway kapag suicidal na ako, ngayon panay na ang freeway ko. Siguro nga suicidal na ako.

O Ayan mga katuga. Humula na. :)

PS: Ang Ka-Blogs-Tugan Shirt ay nagkakahalaga ng 300 pesos - binibenta ko rin ito sa mga die hard fans ng kablogstugan (kung meron man diyan). Available ang white & black - Girl at Boy Kablogstugan.

Hindi rin pwedeng manalo ang hindi naka like sa FB ng Ka-blogs-tugan. Sa mga mananalo makakatangap kayo ng message ko sa blog nyo ng

"pare paki email mo ang address mo padadala ko premyo mo" o kaya pag babaeng bebot ang nanalo i aabot ko ang premyo ng personal.

*contest runs till may 15 2011*

dahil sa hindi pa sapat ang bilang ng mga mananalo

inuurong ko ang patimpalak na ito

hanggang sa may 30 2011*