Nakatikim ka na ba ng ipis?

Sa ibang kultura kinakain talaga ang ipis. Ikaw na pinoy akala mo lang hindi ka pa nakatikim pero oo mga katuga nakatikim ka na. Naaalala mo ba nung bumisita ka sa isang bahay - pinagamit sa iyo ang pinaka magandang baso at pinaka mamahaling plato at ang pinaka makikintab na kutsara at tinidor. Nakita kong pinag lipasan na ng panahon ang ininuman mong baso na galing sa aparador, sa pag mamadali e hindi na hinugasan at ipinagamit sa iyo. Nilakaran ng ipis yun.

Napadalaw kase ako sa isang bahay - ayun nga pinipilit saking ipainom yung juice na tinimpla nya kaso nga e yung baso amoy ipis. Titiisin ko na lang uhaw ko. Alam ko amoy ng ipis ewan ko ba pano ko nalaman, di ko pa naman inamoy mismo ang ipis.

Karaniwan sating mga pinoy itinatago ang mga babasagin at mamahaling gamit at ginagamit natin ang pinaka nakaka awang gamit sa mundo. Tapos kapag may bisita saka ilalabas ang magagandang gamit. Magaling.

Kapag nakabasag ng baso ang bisita.

"Ayos lang yan ikaw naman. Madami pa naman tayong baso diyan pwede ka pa mag basag" (nakangiti pa yan)

Kapag nakabasag ng baso ang anak o kahet sinong naka tira sa bahay.

"Put#@!S&#$" Nakabasag ka na namang hayop ka! Mamahalin pa naman yan.

Naalala ko nung bata ako e sa kaibigan kong bahay - madami siyang laruan kaso ang mga laruan niya lahat naka balot at naka display sa aparador - bawal laruin kase baka malaro este masira. Kaya ayun nag lalaro kami ng tsinelas at bato.

Bakit hindi natin gamitin ang mga gamit na hindi ginagamit kaya nga tinawag na gamit para gamitin sayang naman kung hindi gagamitin. Kapag na dedbols ka hindi mo rin naman magagamit yan hindi mo tuloy na enjoy ang mga gamit mo. Panahon na upang ilabas ang mga nakatagong gamit! Gamitin na yan! Gamitan na!