TALONG

Noong unang panahon may isang higanteng mamaw sa bundok ng tralala pero hindi patungkol sa kanya ang kwento kaya pagtuunan na lang natin ng pansin ang prinsesang si Princess Sharah na nakatira sa isang napakalaking palasyo. Anak siya ni Haring Habulbol. Dumating na ang panahon para mag asawa ang prinsesang si Sharah sapagkat matanda na rin ang Haring Habulbol at kailangan na rin niyang maghanap ng mapapangasawa ng kanyang anak at para humalili sa kanya pag siya ay pumanaw na. Naghahanap sila ng isang lalaking may angking katapangan, lakas ng loob at katalinuhan pwede na rin kahit hindi kagwapuhan sapagkat hindi naman din kagandahan ang prinsesa subalit napakaswerte ng mapapangasawa niya dahil sa taglay nitong kayamanan.

Ipinatawag ng Haring Habulbol ang lahat ng binatang kalalakihan sa buong bayan ng Bugkagok town. Maraming nag hahangad na mapangasawa ang prinsesa. Punong puno ng kalalakihan ang araw na iyon. Isang pagsubok ang kailangan nilang gawin upang mapangasawa ang prinsesa. Simple lang naman ang kundisyon kailangan nilang tawirin ang batis na punong puno ng mga buwaya. Hays kung naroon lang ako matatakot din ako tulad ng mga kalalakihan doon. Ni isa walang gustong sumubok sapagkat punong puno talaga ito ng mga buwayang gutom.

Tatlong oras na ang nakalipas wala pa ring sumubok nang biglang! Nagpalakpakan ang mga kalalakihan sapagkat may sumubok ng lumangoy. Napakabilis ng kanyang pag ilag sa mga buwaya. Batam! batam! yahh woooh! Maniniwala na sana kayo kung wala lang yung sound epeks ko. Napakabilis rin ng kanyang pagtakbo at pag tawid sa batis. Lalo pang nag palakpakan at lumakas ang hiyawan ng mga nanonood sapagkat nakatawid ito ng buhay. Tumugtog na ang banda nagising ang mga nakatulog ng miyembro nito dahil may tinugtugan din silang ballroom nung nakaraang gabi. Nagbunyi ang buong palasyo sapagkat makikilala na natin ang mapapangasawa ng prisesang si Sharah at di kalaunan ay ang siyang hahalili sa Hari.

"Ikinagagalak ko ang iyong katapangan" wika ng Hari. Potaena naman! Duh? kalerki. Hindi ko naman gustong tawirin iyon. Sasabunutan ko talaga ng bonggang bongga ang tumulak sa akin. Ang dirty dirty ko na tuloy, ang wika ng binatang lalaki. "At saka pwede ba hindi kami talo ng anak mo ewww tahong mas okay kung talong" ang pahabol pa niya.

Moral Lesson: Huwag pumunta ang pederasyon kapag ang ipinapatawag ay mga kalalakihan lamang.